Effettua la tua ricerca
More results...
Mutuo 100% per acquisto in asta
assistenza e consulenza per acquisto immobili in asta
Viola Amherd dat giu ses post sco cussegliera federala la fin da mars, sia partida tschertga ina successiun. Pliras persunas enconuschentas han dà chanasters, tranter quests era il cusseglier naziunal Martin Candinas ed il cusseglier guvernativ Marcus Caduff. Uss èsi uffizial, i dat dus candidats.
Finanziamenti e agevolazioni
Agricoltura
Tge di la regenza grischuna dals dus candidats per il Cussegl federal? Ha Carmelia Maissen e ses quatter collegas cussegliers guvernativs in favurit? Tge pensan els ed ella da la mancanza da dunnas sco candidatas? Ed insumma co vegn valità l’interess per il post da Cusseglier federal che para il mument betg ad esser uschè grond, damai ch’igl ha dà mo duas candidaturas.
Tge di la regenza grischuna?
-
Legenda:
Peter Peyer
«Las dunnas fissan cleramain sutrepreschentadas – quai che na fiss segir betg ina buna situaziun»
Keystone
-
Legenda:
Marcus Caduff
«Jau crai che quel ch’ha il fieu per quest uffizi duai s’annunziar. Quels che pon er metter avant da midar la vita privata sin tala moda. E ch’èn era qualifitgà per quai.» Il Center haja gì duas dunnas ina suenter l’autra en il Cussegl federal, uschia che quai n’è tenor el betg ina cundiziun.
RTR
-
Legenda:
Jon Domenic Parolini
Tgi è Voss favurit? «Cun il president dals purs, in dals pli enconuschents politichers giu Berna – segir era enconuschent en tut la Svizra – da l’autra vart cun Martin Pfister, in regent che ha fatg lavur seriusa fin ussa en ses chantun.»
RTR
-
Legenda:
Carmelia Maissen
«Jau n’hai nagin favurit. Jau na sun er betg sa fatschentada cun quella dumonda. Igl è duas persunalitads valablas. Omadus cun in grond satgados politic e massa experientschas.»
Keystone
-
Legenda:
Martin Bühler
«Il signur Pfister ha experientschas en l’executiva – quai plascha a mai persunalmain. Ed il signur Ritter è francà fitg en il parlament.»
RTR
E tge opiniun ha l’Uniun purila grischuna e l’Uniun grischuna d’artisanadi e mastergn sur dals duas candidats? Thomas Roffler e Maurus Blumenthal dattan scleriment. Per l’in è il cas cler, l’auter na ha nagin favurit.
Ils dus candidats: Martin Pfister e Markus Ritter
Bleras e blers han ditg da «na» a la successiun a Viola Amherd en il Cussegl federal, e quai per differentas raschuns. Curt suenter ch’il temp d’annunzia è scadì ils 3 da favrer ha la partida dal Center alura communitgà, ch’ella haja dus candidats uffizials per il Cussegl federal: Markus Ritter, ch’ha annunzià sia candidatura gia pli daditg, e Martin Pfister.
Ils dus candidats
-
Legenda:
Markus Ritter
Markus Ritter è president da l’Uniun purila svizra e vala sco parlamentari cun grond’influenza. Dapi il 2011 sesa l’um da 57 onns en il Cussegl naziunal. La partida las center dal chantun Sogn Gall ha nominà el uffizialmain sco candidat.
Keystone
-
Legenda:
Martin Pfister
Il directur da sanadad dal chantun da Zug è vegnì nominà uffizialmain da sia partida chantunala. L’um da 61 onns era mainafatschenta da pliras assoziaziuns ed ha studegià istorgia e germanistica. El vala sco politicher pragmatic e ruassaivel. En sia funcziun ha el manà il chantun Zug cun success atras la pandemia da Corona.
Keystone
La partida dal center cun ses (anc-)president Gerhard Pfister han accentuà ch’ins possia preschentar a l’Assamblea federala ina proposta valabla. Ins saja franc da chattar ina buna successiun per la cussegliera federala partenta Viola Amherd.
«Sin l’emprima egliada è Ritter il favurit»
Prestito condominio
per lavori di ristrutturazione
Ils dus candidats per la successiun da Viola Amherd: Martin Pfister (san.) e Markus Ritter.
Keystone
Sin l’emprim’egliada saja Markus Ritter cleramain il favurit, uschia il redactur da RTR en Chasa federala, Adrian Camartin.
Cun 13 onns experientscha en il cussegl naziunal e sco president da l’uniun purila ha el gronda influenza ed enconuscha la glieud en chasa federala. El vala sco bun strateg. Da la sanestra vegn el dentant crititgà perquai ch’el impedeschia in’agricultura ecologica. Plinavant ha si’opposiziun cunter la refurma da la cassa da pensiun l’atun passà vilentà inquala persuna da la PLD e da la PPS.
Ses concurrent, Martin Pfister, n’è dentant betg be in «emplaina-rusnas». Pfister ha grond’experientscha en l’executiva ed ha mussà durant la pandemia da corona ch’el sa manar a moda inschignusa. Plinavant enconuschia el – sco colonel en l’armada svizra – ils basegns da la truppa. Plinavant haja l’elecziun d’in cusseglier federal in’atgna dinamica. Quai na dastgian ins betg sutvalitar.
Davart l’uschenumnà «ticket da dus» vegn decidì uffizialmain ils 21 da favrer. Lura ha lieu ina sesida da la fracziun a Visp en il Vallais. Fin lura vegnan Markus Ritter e Martin Pfister prendì sut la marella. Sch’els vegnan nominads uffizialmain sco candidats cumenza lura lur «cumbat electoral».
Successiun Viola Amherd: urari dal Center
Sconto crediti fiscali
Finanziamenti e contributi
3 da favrer: fin lura ston las candidatas e candidats s’annunziar
21 da favrer: decisiun davart il ticket (sesida da fracziun)
22 da favrer: a la radunanza da delegads dal Center pon candidatas e candidats sa preschentar
12 da mars: elecziun successiun Amherd
Cessione crediti fiscali
procedure celeri
Numerusas sditgas prominentas
Observaders ed observadras avevan dapi la demissiun da Viola Amherd speculà davart pussibels successurs e successuras. Numerus candidats e candidatas pussiblas – tranter quels er gronds favurits – desistan dentant d’ina candidatura.
Tgi che desista
-
Legenda:
Il cusseglier dals stans Peter Hegglin da Zug na candidescha definitivamain betg. Pli baud aveva el annunzià da betg refusar ina candidatura, sche la direcziun da la partida dumandassia el.
Mann mit stylischer Brille
-
Legenda:
La cussegliera naziunala da Turitg, Nicole Barandun, na vul betg candidar. La dunna da 56 onns vul sa focussar sin sia professiun.
Keystone
-
Legenda:
La cussegliera naziunala Elisabeth Schneider-Schneiter na vul betg daventar cussegliera federala. Ella veglia sa concentrar sin sia lavur en il Parlament, scriva ella sin la plattafurma X.
Nationalrätin am Rednerpult
-
Legenda:
L’anteriur cusseglier naziunal ed actual cusseglier guvernativ vallesan ha era desistì da candidar.
Keystone
-
Legenda:
Il cusseglier guvernativ e manader dal departament chantunal d’economia Marcus Caduff na vul betg candidar.
Keystone
-
Legenda:
Ina da las politicras ch’ha ponderà da candidar è era stada la cussegliera dals stans da Lucerna Andrea Gmür. Entant ha era ella annunzià da desistir d’ina candidatura.
Keystone
-
Legenda:
Martin Candinas na sentia actualmain betg il fieu ch’i dovria per surpigliar quest uffizi.
Keystone
-
Legenda:
Er il cusseglier dals chantuns Stefan Engler na candidescha betg. Quai ha el ditg envers l’FMR. Quest’onn che vegn vegn el ad esser president da la chombra pitschna.
Keystone
-
Legenda:
Il cusseglier naziunal turitgais, Philipp Kutter, ha ponderà ed è sa decidì da betg candidar. Sco el ha ditg envers SRF, saja la famiglia la raschun per questa decisiun. El veglia esser preschent sco bab.
Keystone
-
Legenda:
La cussegliera dals chantuns da l’Uri Heidi Z’graggen ditg Na ad ina candidatura. Ella aveva a sias uras pers la cursa cunter Viola Amherd. La politicra uranaisa ha argumentà che ses uffizi sco cussegliera dals chantuns satisfetschia e ch’ella sa legria d’era s’engaschar en l’avegnir per la Svizra, per ses chantun e per ils chantuns da muntogna.
Keystone
-
Legenda:
Ed er il president partent dal Center Gerhard Pfister è vegnì numnà sco pussaivel successur. En ina intervista cun il Tagesanzeiger ha dentant er el mess ina fin a las speculaziuns e ditg ch’el na veglia betg candidar. L’uffizi da cusseglier federal na giaja betg a prà cun sia persuna.
Keystone
-
Legenda:
Ed er il schef da la fracziun dal Center, Philipp Matthias Bregy, na vul betg candidar per il sez che vegn liber en la regenza. En l’intervista cun la «NZZ am Sonntag» ha ditg il cusseglier naziunal vallesan ch’ina candidatura na vegnia per il mument betg en dumonda.
Keystone
-
Legenda:
Benedikt Würth, cusseglier dals chantuns da Son Gagl, na vul medemamain betg candidar. «Daventar cusseglier federal na fa betg pli part da mia planisaziun da vita», ha el scrit en ina communicaziun a las medias. El sa sentia fitg bain cun ses pensums politics e professiunals e vegnia a cuntinuar quels cun grond engaschi.
Keystone
-
Legenda:
Era Isabelle Chassot, cussegliera dals chantuns da Friburg ha mess fin a las speculaziuns envers l’emettur da televisiun da la Svizra franzosa RTS. Ella na saja betg interessada da daventar cussegliera federala.
Keystone
-
Legenda:
Il cusseglier dals chantuns da Soloturn Pirmin Bischof na stat medemamain betg a disposiziun sco candidat. Quai perquai ch’el fa part da la cumissiun da recrutaziun per la successiun da Viola Amherd.
Keystone
Nagina candidatura grischuna: Marcus Caduff di «na»
Il cusseglier guvernativ dal Grischun, Marcus Caduff, na candidescha definitivamain betg per la successiun a Viola Amherd en il Cussegl federal. Quai ha el ditg envers RTR. Suenter avair ponderà seriusamain ina candidatura, saja el vegnì a la conclusiun ch’i na saja ord vista famigliara betg il dretg mument per el. Ultra da quai n’haja el betg avunda experientscha sin palancà naziunal.
Marcus Caduff declara sia decisiun (31 da schaner)
Carta di credito con fido
Procedura celere
RTR: Daco na vulais Vus betg daventar Cusseglier federal?
Marcus Caduff: Suenter blers discurs e patratgs intensivs datti dus motivs principals: In è ch’jau n’hai nagina experientscha sin palancà federal e ch’jau na sun betg part en la legislativa federala. I n’è betg absolutamain necessari, però segir in grond avantatg sch’ins ha omaduas experientschas – sin palancà federal sco parlamentari sco er l’experientscha executiva. Da l’auter maun èsi la situaziun da famiglia. In tal uffizi pretenda natiralmain tut d’ins e pretenda ch’ins suttametta tut a quel uffizi. La dumonda è sch’ins è pront da far quai. Ed jau stos dir: en la vegliadetgna ch’ils uffants èn per il mument, vul jau anc esser in zic part da lur vita e betg s’absentar e laschar ir la vita da famiglia sper mai ora.
Tge rolla ha la concurrenza giugà en vossas ponderaziuns?
Betg ina gronda. Cun concurrenza ston ins quintar sch’ins va en in uffizi politic, ma quella n’è absolutamain betg stada en il focus da mes patratgs.
Co èn quels ultims dis stads per Vus?
Extrem intensivs. Jau hai per dir la vardad durmì miserabel, ina notg quasi insumma betg. Il patratg gira adina en la testa. D’ina vart èsi propi ina schanza singula ch’ins survegn probabel be ina giada en la vita. Da l’autra vart hai jau gì extrem blers discurs per pudair ma far in maletg da tge che quai vul vairamain dir per la vita quotidiana, tge ch’i vul dir per la famiglia, per mai sco persuna. Igl è stà fitg fitg intensiv.
Vus avais era ditg publicamain che Vus essas vid ponderar seriusamain sche Vus vulais candidar. Ed uss na vulais betg. Tge strategia giascha davos quel agir?
Finanziamo agevolati
Contributi per le imprese
Igl è stà in’interessanta experientscha. Pertge ins na sa betg ponderar senza ch’ins intervegn da quai. E sch’ins cumenza a ponderar sche lura èsi para er il giavisch ch’ins communitgeschia quai a las medias. Jau sun vegnì contactà sonda avant in’emna dal Sonntags Blick cun quella dumonda. E lura hai jau ditg la vardad «Gea jau sun vid ponderar». Suenter èsi er stà public tge che n’è nagin problem per mai. Ma ina strategia n’èsi betg. Igl è in process che va.
Vus avais ditg ch’i na saja gest uss betg il dretg mument per la famiglia e che l’experientscha manchia. Suenter in cler Na d’insumma in di vulair daventar Cusseglier federal na tuna quai betg. Sa mettais Vus gia uss en posiziun per ina eventuala carriera politica a Berna en il futur?
Quai èn interessantas interpretaziuns (ri). Jau n’excluda betg ina carriera politica a Berna pli tard. Però per il mument stat quella betg en il focus. Jau sun led da puspè dastgar turnar en mia rolla sco cusseglier guvernativ.
Glindesdi, ils 27 da schaner aveva Marcus Caduff anc confermà ch’el «ponderescha seriusamain» da candidar per il Cussegl federal. Suenter che blers favurits avevan gia desistì d’ina candidatura saja Marcus Caduff vegnì pledentà da pliras varts, ch’el duai ponderar d’annunziar sia candidatura.
Intervista cun Marcus Caduff (27 da schaner)
Microcredito
per le aziende
Martin Candinas: «Nagin fieu»
Ina candidatura per l’uffizi sco cusseglier federal pretendia persvasiun e premura cumplaina, scriva Candinas. Schegea ch’i saja in post zunt attractiv, na sentia el actualmain betg il fieu ch’i dovria per surpigliar l’uffizi.
Uschè unic ed attractiv che l’uffizi dal Cussegl federal è, na chaschuna el actualmain nagin fieu en mai.
Dapi 13 onns è Martin Candinas cusseglier naziunal da la partida dal Center per il Grischun e l’onn 2022/2023 ha el pudì surpigliar il presidi dal Cussegl naziunal sco pli aut svizzer. Sco ch’el scriva en sia communicaziun persunala, saja quai stà in onn enritgint ed ina da las incumbensas politicas la pli bella che la Svizra ha. Dapi lura saja el dentant cuntent cun sias incumbensas sco cusseglier naziunal en la chapitala federala.
Plinavant veglia Candinas er vinavant pudair s’engaschar en las differentas uniuns, organisaziuns ed interpresas. El veglia vinavant restar obligà a sia famiglia ed a las persunas che han elegì el en il cussegl naziunal sco er en ils differents mandats.
***** l’articolo pubblicato è ritenuto affidabile e di qualità*****
Visita il sito e gli articoli pubblicati cliccando sul seguente link
